Ішкі істер министрінің орынбасары Санжар Әділов Тәуелсіздік күні қарсаңында полиция қызметінің күшейтілген режимге өтетінін хабарлады.

"Ішкі істер органдарының басты міндеті – қоғамдық тәртіпті қамтамасыз ету. Халық демалатын мереке күндері полиция күшейтілген қызмет режиміне көшеді," – деді ол.

Сондай-ақ, 14 желтоқсаннан бастап Төтенше жағдайлар қызметі де күшейтілген режимде жұмыс істейтіні белгілі болды.

"Қауіпсіздік ережелерін сақтау көптеген қайғылы оқиғалардың алдын алады. Біз профилактикалық жұмыстарды күшейтеміз. Азаматтардан абай болуды сұраймыз," – деп мәлімдеді ТЖМ басшысы.

Тәуелсіздік күні қарсаңында мерекелік шаралардың қауіпсіз өтуін қамтамасыз ету үшін қоғамдық тәртіп пен қауіпсіздік шаралары ерекше бақылауға алынбақ.