Осы орайда ҚР Төтенше жағдайлар министрлігі Өнеркәсіптік қауіпсіздік комитетінің облыс бойынша департаменті Қазақстан Республикасы Инвестициялар және даму министрінің 2014 жылғы 30 желтоқсандағы №342 бұйрығымен бекітілген «Мұнай-химия, мұнай өңдеу салаларындағы қауіпті өндірістік объектілер, мұнай базалары және автожанармай құю стансалары үшін өнеркәсіптік қауіпсіздікті қамтамасыз ету қағидаларын» сақтау мақсатында автожанармай құю стансалары (АЖҚС) төмендегі талаптарды назарға алуы керектігін ескертеді.

 – АЖҚС-ға автоцистерналармен және шағын ыдыстарға құйылып жеткізілетін мұнай өнімдері тауар-көлік жүкқұжаты және резервуарда өлшенген көлемі бойынша қабылданады;

- Автокөлікке жанармай құю кезіндегі барлық операциялар жүргізушінің көзінше және көліктің қозғалтқышы сөндірілген кезде іске асырылады.

- Автоцистернаның мұнай өнімдері төгілген жерлерін жүргізушілер қозғалтқышты қосқанға дейін әбден құрғатып сүртеді. Төгілген мұнай өнімдеріне құм себіледі. Ал оларды сіңірген құм автожанармай құю стансасының аумағынан арнайы бөлінген жерлерге шығарылады;

- Жанармай құйылатын автокөлік пен оның артындағы автокөліктің арасындағы қашықтық кем дегенде 3 метр, ал кейінгі автомобильдер арасындағы қашықтық кем дегенде 1 метр болады;

- АЖҚС аумағында автокөлік құралдары жиналып қалған кезде АЖҚС-дан шығу жолдарының бос болуы және маневр жасау мүмкіндігінің болуы қадағаланады;

- Жанғыш немесе жарылыс қаупі бар жүк тиелген автомашиналарға жанармай АЖҚС аумағынан кем дегенде 25 метр қашықтықта орналасқан жабдықталған алаңда құйылады;

- Темекі тартуға және ашық от көзін пайдалануға тыйым салынады;

- Тез тұтанатын сұйықтықпен қол жууға, киім жууға және еден сүртуге жол берілмейді;

- Жүргізушісі мас күйде болған көлікке жанармай құйылмауы керек;

- АЖҚС алаңында автомобильді жөндеуге, мұнай өнімдерін шыны ыдысқа құюға болмайды.

- Автокөлікке жанармай құю кезінде мұнай өнімдерін төгуге және асыра құюға жол берілмеуі қажет.

Назгүл ҚЫДЫРӘЛІ,

Өнеркәсіптік қауіпсіздік

комитеті облыс

бойынша департаментінің 

бас маманы