Өндіріс орындарының өсуіне, дамуына, тоқтаусыз жұмыс істеуіне негізгі энергия көзі болып табылады. Өйткені, атом энергетикасы - Қазақстанның энергетикалық болашағының маңызды элементі. 
Бүгінгі таңда, электр энергиясына деген қажеттілік артып, дәстүрлі энергия көздері қоршаған ортаға теріс әсер ететіндіктен, атом электр стансасы ең жақсы шешімдердің біріне айналуда. Олар көмірқышқыл газының ең аз шығарындыларымен үлкен көлемдегі энергияны өндіреді, бұл оларды экологиялық таза етеді. 
Қазақстан уранның едәуір қорына ие, бұл елге өзінің табиғи ресурстарын энергияға деген ішкі қажеттілікті қамтамасыз ету үшін пайдалануға мүмкіндік береді. 
Атом электр стансасы-энергияның сенімді көзі саналады. Халықаралық сарапшылардың пікірінше, атом электр стансасы қуат көзін алудың ең қауіпсіз әрі тиімді жолы. Әрі  бұл елді энергиялық тәуелділіктен сақтайды.
Атом электр стансасының құрылысы өнеркәсіптің, ғылымның және технологияның дамуына жаңа мүмкіндіктер ашады. Бұл экономикалық тиімді шешім ғана емес, сонымен қатар тұрақты және экологиялық таза энергетикалық болашақты құрудың маңызды қадамы. 
Атом энергетикасы Қазақстанға таза энергия саласында көшбасшы болуға, өзінің энергетикалық тәуелсіздігін нығайтуға және климаттың өзгеруіне қарсы күресте елеулі үлес қосуға мүмкіндік береді. Бұл тек бүгінгі ұрпаққа ғана емес, болашақта елімізге пайда әкелетін болашаққа салынған инвестиция деп қабылдасақ орынды болмақ.

Бағдат МОМЫНОВ, 
«Ауыл» ХДПП облыстық филиалы Саяси кеңесінің Бюро мүшесі, аудандық мәслихаттың депутаты