Көктемгі су тасқыны салдарынан республиканың бірқатар өңірінде төтенше жағдай жарияланғаны белгілі. Бүгінгі таңда тасқын судан зардап шеккен өңірлерге ауқымды жұмыс күшін тарта отырып, қалпына келтіру жұмыстарын ұйымдастыру процесі басталды.
Өз кезегінде облыс прокуратурасының ұсынысы бойынша әкімдікпен қажетті қаражат іздестіріліп, зардап шеккен өңірлерге көмек көрсету үшін демеушілер жұмылдырылды.Осылайша бөлінген қаражатқа пробациялық бақылаудағы сотталғандардың әлеуеті пайдаланылуда.Қазіргі уақытта 10 әйел облысымыздағы жетекші тоқыма кәсіпорындарының бірі саналатын «Dana del» жауапкершілігі шектеулі серіктестігінде «Тігінші» және «Пішуші» курстарында білім алуда.
Кәсіпорын арнайы киімдер мен төсек-орындарға (матрастар, жаймалар және тағы да басқа өнімдер) тапсырыс қабылдай бастады.Кеше су тасқынынан зардап шеккен Батыс Қазақстан облысына 500 арнайы құрылыс киімі, 200 төсек жабындысы, 180 матрас жіберілді.Бұл бағыттағы жұмыстар алдағы уақытта да жалғасын табады.
Нұрбол ТОҚТЫБАЕВ,
облыс әкімі аппаратының инфрақұрылымды
дамыту бөлімінің басшысы
Алдыңғы мақала
Келесі мақала
Табиғат байлығын тонау – заңға қайшы
Ұқсас жаңалықтар
