Жаңа мереке жануарлардың денсаулығы мен жануарлардан алынатын өнімдердің қауіпсіздігін қамтамасыз етуге баға жетпес үлес қосатын ветеринарлық мамандардың еңбегінің маңыздылығын атап өтуге арналған.

Қазақстандағы ветеринария саласы көптеген елеулі өзгерістерден соңғы он жылдықта өтті.2011 жылы құрылған ҚР Ауыл шаруашылығы министрлігінің Ветеринариялық бақылау және қадағалау комитеті осы саладағы қызметті реттейтін және бақылайтын негізгі органға айналды.

Айта кетейік, елімізде қазіргі таңда малшылар күні, орман шаруашылығы қызметкерлерінің күні, ауыл шаруашылығы, тамақ және өңдеу өнеркәсібі қызметкерлерінің күні, балық шаруашылығы қызметкерлерінің күні сияқты кәсіби мерекелер аталып өтіледі.