Кейінірек түлек тағы бір видеода пайдаланушыларға тестілеуді неге осылай тапсыруға шешім қабылдағанын түсіндірді. Жігіттің айтуынша, ол өз ісімен құрдастарына ҰБТ тапсырғаннан кейін өмір аяқталмайтынын көрсеткісі келді.

Ұлттық тестілеу орталығы қызметкерлері Ұлттық бірыңғай тестілеу (ҰБТ) нәтижесі бойынша 1 балл жинаған түлек туралы ақпаратқа қатысты пікір білдірді.Олар Ерасыл Уәлиевтің  екі рет тест тапсырғанын - 12 және 30 маусымда Алматыда тестілеуден өткенін айтты.

12 маусымда бұл тест тапсырушы 93 балл жинады, 30 маусымда ол 1 балл жинады, бірақ ол тестілеуден бар болғаны 4 минут өткенін атап өткен жөн, - деп түсіндірді тестілеу орталығы қызметкерлері.

Сондай-ақ, талапкерлер гранттық байқауға қатысу үшін негізгі ҰБТ-дан екі сертификаттың бірін таңдай алатынын атап өтті.