Arainfo.kz - жастарға арналған басылым

Байланыс

Алаяқтық фактілері азайған

Алаяқтық фактілері азайған
ашық дереккөз
Өңірлік коммуникациялар қызметінің ақпарат алаңында интернет-алаяқтық фактілері бойынша облыстық полиция департаментінің криминалдық полиция басқармасының аса маңызды істер жөніндегі аға жедел уәкілі Шохан Альжанов брифинг өткізді.

Спикердің айтуынша, облыста жалпы алаяқтық саны 15,9 пайызға (353-тен 297-ге) төмендеген. Ал қылмыстың барлық түрлерінің құрылымында алаяқтық (1 447) үлесі 20,5 пайызды құрап отыр. 
Жыл басынан бүгінгі күнге дейін интернет жүйесін пайдалану арқылы жасалған 66 алаяқтық тіркелген. Алаяқтық іс-әрекеттердің басым бөлігі қалалық бөліністерде орын алған. 

Қылмыстың жасалу тәсілдеріне тоқталсақ, банк немесе ұялы байланыс қызметкері ретінде  31, инвестиция немесе ақша көбейту бойынша 9 іс тіркелген. Сондай-ақ, онлайн кредит, тауарлық ұсыныс, қолма-қол ақшаға аудару, тур агенттігіне тапсырыс бойынша да сан соқтырып кеткендер бар.

Осы уақытқа дейін интернет жүйесімен жасалған 14 алаяқтық дерегі ашылған.
Интернет-алаяқтықпен айналысқан 11 тұлға ұсталыпты. Оңай жолмен ақша табамын деп опық жегендердің бесеуі Алматы, Маңғыстау, Қызылорда секілді басқа облыстардың тұрғындары.

Айжан ӨЗБЕКОВА

AR-AY
Автор

AR-AY

Arainfo.kz жастар газеті

Ұқсас жаңалықтар