SpaceX өзінің веб-сайтын жаңартты. Сайттағы Spaceflight бөлімінде ғарышқа ұшу орындарын брондау қызметі пайда болды.

Компания жерден төрт бағытқа қарай саяхаттауға мүмкіндік беретінін мәлімдеді. Нақтырақ айтқанда, Жердің орбитасы, Халықаралық ғарыш станциясы, Ай және Марсқа. Сайтта саяхатшылар ғарышқа қандай ғарыш кемелерімен ұшатыны көрсетілген: Dragon және Starship. 

"Join a Mission" батырмасын басу арқылы электрондық пошта ашылады, яғни алдын-ала тіркеліп қоясыз, дегенмен ешқандай қаржыға қатысты мәлімет көрсетілмеген және нақты мерзімі жазылмаған.

Алайда, SpaceX бұған дейін жариялаған жоспарынан қалмаса, онда SpaceX биыл ғарыш туризмі белсенді түрде қадам басуы әбден мүмкін.