Іс-шара барысында балаларды тәрбиелеу міндеттерін тиісінше орындамағаны үшін 23 ата-ана әкімшілік жауапкершілікке тартылды. Сонымен қатар, кәмелетке толмағандардың сағат 22:00-ден кейін ойын-сауық орындарында болуына жол берген 4 мекеме иесіне де шара қолданылды.

Рейд нәтижесінде заңды өкілдерінсіз түнгі уақытта үйден тыс жерде жүрген 122 жасөспірім анықталды. Бұдан бөлек, ойын-сауық орындарында түнгі уақытта болған 8 жасөспірім тіркелді.

Сондай-ақ жасөспірімдердің ұсақ бұзақылық әрекеттеріне байланысты 8 ата-ана әкімшілік жауапкершілікке тартылды. Профилактикалық есепке 6 жасөспірім мен 9 қолайсыз отбасы қойылды.

Одан бөлек, ішкі істер органдарында есепте тұрған 73 жасөспірім мен 63 ата-ананың тұрғылықты мекенжайы бойынша тексеру жұмыстары жүргізілді.