Жамбыл облысында 93 нысан «қызыл сызық» нормаларын бұзған, деп хабарлайды Arainfo тілшісі. Бұл туралы өңірлік коммуникациялар қызметі алаңында облыс әкімдігінің сәулет және қала құрылысы басқармасының басшысының міндетін атқарушы Алмас Түлеубаев айтты. – Тараз қаласы мен аудандардың бекітілген бас жоспар жобаларына сәйкес, басқарма тарапынан жыл сайын мониторинг жұмыстары жүргізіліп отырады. Өткен жылдың тексеріс жұмыстарының нәтижесі бойынша облыс бойынша 93 нысан «қызық сызық» нормаларын бұзған нысан анықталды. Нәтижесінде 93 нысанның ішінен аудандар тарапынан 44 нысанға шара қолданылды, – деді А. Түлеубаев.