Түркістандық шаруа тропикалық жемістерді өсіріп жатыр, деп хабарлайды Arainfo тілшісі Kazinform.kz-ке сілтеме жасап. Сарыағаштағы «Agrotur» шаруа қожалығының жылыжайында өсірілген тропикалық жемістер өнім бере бастады. Қыста банан мен папайя пісті. Ал, киви мен құлпынай, зәйтүн мен розмариннің де жеміс беретін күндері жақындап қалған.
Түркістандық шаруа тропикалық жемістерді өсіріп жатыр.
Сарыағаштағы «Agrotur» шаруа қожалығының жылыжайында өсірілген тропикалық жемістер өнім бере бастады. Қыста банан мен папайя пісті. Ал, киви мен құлпынай, зәйтүн мен розмариннің де жеміс беретін күндері жақындап қалған.
Қазір шаруаның ауласында өсіп тұрған тропикалық жемістерге қызығушылар өте көп. Шаруалар тәжірибе алмасу үшін келсе, кәсіпкерлер сатып алмақ болып хабарласады. Ал, кей адамдар суретке түсу үшін арнайы іздеп келеді екен.
Фото: Тұрсын Абдуллаұлының жеке мұрағатынан
«Банан екі-үш айда бір рет 20 келінің жобасында өнім береді. Яғни, 1 жылда 100 келідей өнім аламыз. Ал, папайяның екі-үш күнде біреуі піседі. Бізде араб елінде өсетін құрма ағашы да болған. Өткен жылы көмірдің уақытылы жеткізілмеуінен жылыжайдағы өнімдерімізді үсіп кетті. Сол кезде көгеріп тұрған құрма ағашын қуратып алдық», - дейді шаруа.
Фото: Тұрсын Абдуллаұлының жеке мұрағатынан
Жалпы Тұрсын Абдуллаұлы тропикалық жеміс өсіруді 2017 жылдары қолға алған. Алғашқы кезде тропикалық және экзотикалық жемістерге арнап арнайы жылыжай салды. Көшеттерді күтіп баптау жұмыстарын атқарды. Ал, жемісін 5 жылдан соң көре бастады.
Фото: Тұрсын Абдуллаұлының жеке мұрағатынан
«Елімізге шеттен келетін өнімдерді өз жерімізде өсіріп көруге ниет еттім. Тіпті, алдыма «өсіремін» деген талап та қойдым. 12 соток жерге жылыжай салып, тәжірибе алаңын жасадым. Жоспарым жаймен жүзеге асуда. Тек күн ыстық аймақта өсетін жемістер, Сарыағаш топырағына да жерсінді. Алдағы уақытта банан мен папайяның көшеттерін көбейтуді жоспарлап отырмын» - дейді ол.
Бүгінде «Agrotur» шаруа қожалығы аумағындағы 4 гектар жерде қияр мен қызанақтан бастап көптеген бақша өнімі өсіріледі. Олардың ішінде зәйтүн мен розмарин, киви мен құлпынай, анар мен құрма секілді сирек кездесетін жемістер бар. Одан бөлек, бір гектар жерге қияр мен қызанақ көшеті егілген. Аумағы екі гектар жерді алып жатқан алма бауы бар. Онда да алмұрт, шие, өріктің бірнеше түрі өсіп тұр. Сондай-ақ шаруа голлондиялық гүлдерді де өсіріп, сатылымға шығарауда. Бал арасы, бөдене бинесі секілді кәсіптері де қосымша жүріп жатыр.
Фото: Тұрсын Абдуллаұлының жеке мұрағатынан
«Тұтынушыларымыздың көпшілігі Ақтау, Атырау, Қызылорда, Алматы секілді ел аумағынан келеді. Биыл голландиялық гүлдерге Өзбекстаннан тапсырыс түсті. Сұраныс жақсы. Жалпы бұл біздің отбасылық кәсібіміз. Ұл-қыздарым мен келіндерімде осында қызмет атқарады. Одан бөлек, шаруа қожалықта 30-ға жуық жергілікті тұрғын жұмыспен қамтылған. Ал, аграномды Түркиядан алдырдық. Өзім жас кезімнен диқаншылықпен айналысқанмын», - дейді Тұрсын Абдуллаұлы.
