Қазақстан Республикасының Ғылым және жоғары білім министрі Саясат Нұрбектің бұйрығымен 2023 жылы Президенттік шәкіртақы еліміздің 55 жоғары оқу орнында 1005 студент пен 7 магистрантқа тағайындалды. Бакалавр студенттері үшін Прези­денттік шәкіртақы мөлшері – 73 320 теңге, магистранттар үшін – 173 974 теңге. ҚР Президенті стипендиясының мақсаты – білім алушылардың ғылыми-зерттеу және оқу-танымдық қыз­метін ынталандыру, неғұрлым дарынды және қабілетті студенттер мен магистранттарды қолдау, сондай-ақ зияткерлік әлеуетті қалыптастыруға жәрдемдесу. Стипендиаттар үшін іріктеудің негізгі критерийі – тек «өте жақсы» (А, А -) оқу. Сондай-ақ, студенттер мен магистранттардың республикалық және халықаралық олимпиадалар­дағы, шығармашылық конкурстардағы, спорттық жарыстардағы, фестиваль­дардағы жетістіктері ескеріледі. Сонымен қатар, ғылыми жаңалық ашқан студенттер мен өнертабыстардың авторлары да стипендия иегерлері бола алады. Президенттік стипендия 3-курстан бастап күндізгі бөлімде оқитын студент­терге және екінші курстан бастап магистранттарға тағайындалады. Ақтоты Жаңабай