Қазақстанда ең төменгі жалақы жаңа әдістеме бойынша анықталады
Еңбек және халықты әлеуметтік қорғау министрі міндетін атқарушы Тамара Дүйсенова ең төменгі жалақыны (ЕТЖ) жаңа әдіспен есептеу жоспарланып отырғанын айтты, - деп хабарлайды Arainfo тілшісі Tengrinews.kz-ке сілтеме жасап.
"Ең төменгі жалақыны анықтаудың жаңа әдістемесін әзірлеу бойынша жұмыстар аяқталып жатыр. Қазіргі уақытта министрлік Дүниежүзілік банк сарапшыларымен бірлесіп, ең төменгі жалақы мөлшерін анықтау әдістемесі жобасын дайындады", - деді Дүйсенова Үкімет отырысында.Оның айтуынша, ең төменгі жалақы мөлшері орташа жалақы мен еңбек өнімділігіне қарай белгіленеді.
"Бұл тәсіл қызметкерлердің кірісі мен өндірілген тауарлар, жұмыстар мен қызметтер көлемі арасындағы нақты байланысты орнатуға мүмкіндік береді. Бүгінде әдістеме жобасы мүдделі мемлекеттік органдар және әлеуметтік серіктестермен келісіліп жатыр", - деді Тамара Дүйсенова.Ол 2023 жылдың 1 шілдесіне дейін Еңбек кодексіне әдістемені заңнамалық тұрғыдан бекіту бойынша тиісті түзетулер әзірленетінін айтты.
Алдыңғы мақала
Келесі мақала
Елена Рыбакина айдың үздік ойыншысы атағына ұсынылды
Ұқсас жаңалықтар
