Тараздық оқушы өрт сөндіруші робот құрастырды
Тараз қаласындағы №7 мектеп-гимназия оқушысы өрт кезінде адамдарды құтқаруға көмектесетін робот ойлап тапты, деп хабарлайды Arainfo тілшісі Оқу-ағарту министрлігіне сілтеме жасап.
Вячеслав Кузьмин 9-сынып оқушысы. Ол техникалық-шығармашылық орталықта қосымша білім алады. Төтенше жағдай кезінде көмек болатын құрылғыны осы орталықта тәлімгері Айнұр Сұраншиеваның жетекшілігімен жасап шығарған. Роботқа «Темір-Батыр» деп ат қойған. Құлтемір өрт кезінде жалынды сөндіріп, қою түтін ішінде қалған адамды да іздеп таба алады.
«Роботтың алдында кедергілерді итеруге арналған құрылғысы және камерасы бар. Темір-Батырды қашықтықтан басқарып, камера арқылы өрт болған жерді көруге, ультрадыбысты қондырғының көмегімен өрттің қай жерден шыққанын, адамның бар-жоғын анықтауға болады. Роботтың ішіне екі бак орнатылған. Оған жағдайға байланысты көпіршік немесе су толтырылады. Сұйықтық қысыммен 5 метр қашықтыққа шашылады», - дейді өнертапқыш.
Вячеслав Кузьмин Темір-Батырды Жамбыл облысының төтенше жағдайлар департаменті мамандарына апарып көрсетпек. Патент алып, роботты тағы да жетілдіру жоспарында бар.
Келесі мақала
Жұмыспен қамтуда да жүйелілік керек
Ұқсас жаңалықтар
Жамбыл жаңалықтары
Жамбыл облысы әкімі аппараты басшысының орынбасары тағайындалды
- авторAR-AY
- 20 қыркүйек, 2024