Ташкентте өтіп жатқан WKF каратэден Азия чемпионатында маңғыстаулық спортшылар Азия чемпионы атанды. Доданың алғашқы күндерінде ұлттық құрамада өнер көрсеткен маңғыстаулық спортшылар Тәуелсіздік күніне тарту жасап, ел қоржынына 4 жүлделі орын салды. Атап айтқанда, Асқарбек Фаутсафар 14-15 жас (-57 кг), Айшабибі Шарахан (+59 кг), 14-15 жас және Олжас Алтынбек (-60 кг) U21 бойынша Азия чемпионы атанды. Ал, Нұрсұлтан Нұрғалиев, 14-15 жас (+70 кг,) қола жүлдеге ие болды. Алғашқы күннен бастап біздің ұлттық құрама жалпы есепте көштің басына шықты. 20 желтоқсанға дейін созылатын бәсекеге сары құрлықтағы 28 елден 700-ден астам үздік каратэшісі жиналған. Ал еліміздің намысын барлық жас санатын қосқанда 61 спортшы қорғауда. Олардың бәрі кумите бағдарламасында сынға түседі.