Кездесу барысында өңір басшысы қос спортшының жетістігін темірдей тәртіп, табандылық және жоғары кәсібиліктің жемісі деп бағалады. Сонымен бірге олардың жеңісіне үлес қосқан жаттықтырушыларға ерекше алғыс айтты.

Алматбек Аманбек – грек-рим күресінен халықаралық дәрежедегі спорт шебері. Ол 2026 жылғы 6-12 сәуір аралығында Қырғызстанның Бішкек қаласында өткен Азия чемпионатында 72 келі салмақ дәрежесінде топ жарып, алтын медаль иегері атанды. Финалда ирандық Мохаммад Джавад Саадат Резаимен белдесіп, айқын басымдықпен жеңіске жетті.

Ал Әйгерім Сәттібаева Моңғолияның Ұлан-Батыр қаласында өткен бокстан ересектер мен әйелдер арасындағы Азия чемпионатында 48 келі салмақ дәрежесінде өнер көрсетіп, қола медаль еншіледі.

Әйгерім Бауыржанқызы – бокстан Қазақстан Республикасының спорт шебері, Азия чемпионатының үш дүркін жүлдегері, ел чемпионатының бірнеше мәрте жеңімпазы әрі жүлдегері. Бес баланың анасы.

Ербол Қарашөкеев ел мерейін үстем еткен спортшылар мен олардың жаттықтырушыларына қаржылай сертификаттар табысталды.

Облыс әкімінің

баспасөз қызметі