«ҚазМұнайГаздың» басқарма төрағасы Мағзұм Мырзағалиев кәсіпорын акцияларының қайталама нарықта сатылуына бастау берген салтанатты шарада компанияның сыртқы қарыздары туралы мәлімет берді, деп хабарлайды Arainfo тілшісі ҚазАқпарат-қа сілтеме жасап. «ҚазМұнайГаздың» қарызы бар деген сөз біздің борышқа батқанымызды немесе қаржылық жағдайымыз тұрақсыз екенін білдірмейді», -деп түсіндірді компания басшысы. Оның айтуынша, компанияның құнды қағаздарын биржаға шығару ІРО-ға дайындықтың бір бағыты болған. «Біздің қарыздарымызға мемлекет ешқандай кепілдік бермейді. Осы жұмыстардың бәрі бірнеше жыл бұрын басталып кеткен. Оның бәрі бүгінгі ІРО-ға дайындық та болан еді. Қазіргі кезде компанияның қарызы 9 млрд доллардан асады. Кейінгі бірнеше жылда қарыз көлемін азайттық. Бір кездері ол 19 млрд доллар болған. Яғни, біз өз қарызымызды басқарып отырмыз», - деді Мағзұм Мырзағалиев.