Мемлекет басшысы: Сайлау нәтижесін халқымның батасы деп білемін
- author AR-AY
- 26 қараша, 2022
- 177
Мемлекет басшысы ҚР Президентін ұлықтау рәсімінде алдағы 7 жылды бүгінгі буынның және келешек ұрпақтың алдындағы борышымды өтеуге күш салатынын мәлім етті, деп хабарлайды Arainfo тілшісі ҚазАқпарат-қа сілтеме жасап.
«Шын мәнінде, ел сенімін еш нәрсемен өлшеу мүмкін емес. Халықтың сенімі – ең құнды нәрсе. Сайлау нәтижесін халқымыздың саяси бағдарыма – бағасы, алдағы жоспарыма – батасы деп қабылдаймын. Халқының қолдауына ие болып, ел тізгінін ұстау – ер азамат үшін ең биік мәртебе әрі орасан зор жауапкершілік», - деді Президент.
Қасым-Жомарт Тоқаев халықтың сенімін өзіне берілген аманат деп қабылдайтынын атап өтті.
«Алдағы 7 жылды бүгінгі буынның және келешек ұрпақтың алдындағы борышымды өтеуге берілген бірегей мүмкіндік деп білемін. Қазақта «аманат» деген асыл ұғым бар. Халқымның сенімі – маған аманат. Осы аманатқа адал болу – мен үшін қасиетті парыз. Ел үмітін ақтап, Қазақстанды өркендеген, бақуатты мемлекетке айналдыру үшін қолымнан келгеннің бәрін жасаймын», - деді Мемлекет басшысы.
Еске салсақ, ҚР Орталық сайлау комиссиясының шығарған қорытындысы бойынга 20 қарашадағы кезектен тыс президент сайлауында кандидат Қасым-Жомарт Тоқаев сайлаушылардың 81,31 пайыз дауысын жинап, жеңіске жеткен болатын.
Осыған байланысты Орталық сайлау комиссиясы ҚР Президентінің ант беру күнін 26 қарашаға белгілеген еді.
Жуалы ауданының әкімі жастармен жүздесті
Ұқсас жаңалықтар
АЭС-бұл энергияның сенімді көзі ғана емес, сонымен қатар елдің болашағы
- авторAR-AY
- 20 қыркүйек, 2024
Атом энергетикасы - бұл Қазақстанның дамуының маңызды бағыты
- авторAR-AY
- 20 қыркүйек, 2024