Таразда қатты дауыл салдарынан үйлер жарықсыз қалды
Таразда дауыл соғып, айналаны астан-кестен етті. Синоптиктер соққан желдің екпіні 15-20 м/с, кей тұста 23-28 м/с жеткенін айтады, деп хабарлайды Arainfo тілшісі BAQ.KZ-ке сілтеме жасап.
2022 жылы 14-15 қарашада қала әкімшілігіне Төле би даңғылындағы №116 және Менделев көшесіндегі №13 үй тұрғындары тарапынан өтініштер келіп түскен. Жел аталған үйлердің шатырын жұлып кеткен. Білім беру және денсаулық сақтау нысандары шатырының бүліну фактісі тіркелмеді.Қазіргі уақытта дауылдың салдарынан "Шаңырақ" ауданындағы электр тарату пунктінен 920-шы трансформатор торабына жүргізілген электр желісі автоматты түрде істен шығып, 28 үй жарықсыз қалды. Сондай-ақ, 15-ші ықшам ауданда (19 учаске) төрт көпқабатты тұрғын үйдің жарығы да апатты жағдайға байланысты автоматты түрде сөндірілді, - дейді Тараз қаласы әкімдігінің баспасөз қызметі.
Келесі мақала
JAMBYL 175 JYL коллекциялық монеталары сатылымға шығады
Ұқсас жаңалықтар
