Мемлекет басшысы бұл сенсациялық жетістік отандық спорттағы айтулы оқиға екенін атап өтті. Президенттің айтуынша, қазақстандық жас спортшылар жоғары шеберлік деңгейі мен жеңіске деген мықты жігерін көрсете білді.

Ақтық сында хоккейдің отаны саналатын канадалық команданы тізе бүктірген өрендердің табандылығы ерекше құрметке лайық екені айтылды.

Қасым-Жомарт Тоқаев жас хоккейшілерге алдағы уақытта да тыңғылықты жаттығып, шеберліктерін шыңдап, бұдан да биік белестерді бағындыруға тілектестік білдірді.

Бұл жеңіс қазақстандық балалар хоккейінің әлеуеті жоғары екенін тағы бір мәрте дәлелдеді.