Ішкі істер министрлігі «Заң мен тәртіп» қағидасы аясында жүргізілген жедел-іздестіру шаралары барысында Жамбыл облысы аумағында есірткі өткізумен айналысқан қылмыстық топтың қызметін тоқтатты, деп хабарлайды arainfo.kz
Төрт тұрғыннан құралған топ аса ірі көлемде каннабис тобына жататын заттарды таратумен айналысқан. Тінту кезінде 100 келіден астам кептірілген марихуана, 2 келіден аса гашиш және каннабис шайыры тәркіленді.
Аталған дерек бойынша ҚР Қылмыстық кодексінің 297-бабы 3-бөлігімен сотқа дейінгі тергеу басталды. Бұл бап 12 жылға дейін бас бостандығынан айыру жазасын қарастырады.
Қазіргі уақытта күдіктілердің басқа өңірлерге есірткі жеткізу арналары тексеріліп, қосымша жеті дерек анықталуда. Барлығы уақытша ұстау изоляторына қамалды.
Алдыңғы мақала
Ұқсас жаңалықтар
