Өрт – адамзаттың тілсіз жауы. Ал айтпай келетін осынау апаттан табиғат та, адам да, мемлекет те орасан зор зардап шегетіні сөзсіз. Демек, тілсіз жаудан сақтану, оның алдын алып, тосқауыл болу – баршамыздың міндетіміз.
Дәл осы мақсатта бүгін өңірлік Қылмыстық-атқару жүйесі департаментіне бағынысты №26 мекемесінде төтеншеліктермен бірлескен оқу-жаттығу жиыны өтті. Аталған түзеу мекемесінің жеке құрам қызметкерлерінің өртке қарсы іс-әрекеттерінің әзірлігі пысықталған жиынға «Халық қаһарманы» Мейіржан Айманов атындағы Тараз қалалық №2 мамандандырылған өрт сөндіру бөлімінің өкілдері арнайы қатысты.
Жалпы, бұл жиынның негізгі мақсаты – ҚАЖ қызметкерлеріне өрт сөндіру әдістерін үйрету және өрт сөндіру кезіндегі іс-қимылды жақсарту бойынша практикалық жұмыстар жүргізу. Оқу-жаттығу жиыны барысында 2 өрт сөндіру автокөлігі, төтеншеліктер мен жеке құрам қызметкерлері жұмылдырылды. Олар өрт болып, қауіп төнген сәтте ғимарат ішінде қалған адамдарға эвакуациялау тәртібі түсіндіріп, нысаннан қауіпсіз әрі жылдам шығу жолдарын меңгерді.
Алдыңғы мақала
Ұқсас жаңалықтар
