2026 жылғы қаңтар айында өткен ҰБТ-ға шамамен 139 мың адам қатысқан. Талапкерлердің 76%-ы тестілеуді қазақ тілінде, 24%-ы орыс тілінде, ал 86 адам ағылшын тілінде тапсырған.

Екі аптаның қорытындысы бойынша талапкерлердің 69%-ы шекті балл жинады, бес пән бойынша орташа нәтиже 64 баллды құрады. Ең жоғары балл – 138. Ерекше білім беру қажеттіліктері бар 328 талапкер үшін қолайлы жағдай жасалған.

Тест тапсырмаларының мазмұны бойынша апелляцияға тестілеуден кейін 30 минут ішінде берілуге болады. Техникалық мәселелер болған жағдайда апелляция тестілеу кезінде қабылданады, ал нәтижелер жеке кабинеттерде қолжетімді болады.

ҰБТ-ны өткізудің үш аптасында 244 ереже бұзушылық тіркелді: 152 талапкер тыйым салынған заттарды алып кірмек болғаны үшін шеттетілді, ал тағы 92 адам аудиториядан шығарылды. Өзге адамдардың орнына кіру фактілері анықталған жоқ.

Тест аяқталған соң 31 қазанына дейін бейнежазбалар талданады. Егер ережелерді бұзу фактілері расталса, ҰБТ нәтижелері жойылады. Барлығы тестілеуге 187 мыңға жуық өтініш түскен.