Мемлекеттік айыптаушы соттан айыпталушыны 6 жыл 2 ай мерзімге бас бостандығынан айыруды және қосымша жаза тағайындауды сұрады.

Сот отырысы барысында Алмас Садақбаев тағылған айыпты мойындап, жасаған ісіне өкініш білдірді. Ол көз жасына ерік беріп, отбасындағы жалғыз асыраушы екенін айтып, жазаны жеңілдетуді өтінді. Айыпталушының айтуынша, оның кәмелетке толмаған балалары бар, ал жұбайы жұмыс істемейді екен.

«Істеген ісіме шынайы өкінемін. Не болғанын өзім де аңғармай қалдым, пендешілікке бардым. Бұл қателігіме өмір бойы өкінемін», – деді ол сотта сөйлеген сөзінде.