Сот санкциясымен Батыс Қазақстан облысы Мемлекеттік кіріс департаментінің басқарма басшыларының бірі және елорда тұрғыны ұсталып, қамауға алынды.

Алдын ала тергеу мәліметтері бойынша, ұсталған тұлғалар ақшалай сыйақыға елге халық тұтынатын тауарларды кедергісіз жеткізу үшін шетелдік азаматтарға көмек көрсеткен. Процестік құжаттарда олардың 100 млн теңгеден астам пара алғаны расталған.

Алдын ала есеп бойынша мемлекетке келтірілген шығын шамамен 1,9 млрд теңгені құрайды.

Қылмыстық-процестік кодекстің 201-бабына сәйкес, өзге ақпарат жария етуге жатпайды.