Шараның негізгі мақсаты – халықты салауатты өмір салтын ұстануға шақыру және қоғамдық тәртіпті сақтау маңыздылығын кеңінен насихаттау.

Салтанатты ашылу рәсіміне Жамбыл облысының әкімі Ербол Қарашөкеев қатысып, қатысушыларға сәттілік тілеп, жылы лебізін білдірді.

Велошеру екі санат бойынша өткізілді: 40 жасқа дейінгі және 40 жастан жоғары қатысушылар. Жарыс «Достық» орталық алаңынан басталып, «Қазақ хандығы» монументіне дейін жалғасты. Мәре сызығын бірінші болып кескен үздіктер жүлделі орындарға ие болды.

Айта кетейік, шараға 300-ден астам спорт сүйер тұрғын қатысып, белсенділіктерін көрсетті.