Шараны Жамбыл облысы мәдениет және тілдерді дамыту басқармасының қолдауымен, көзі көрмейтін және әлсіз көретін азаматтар кітапханасы мен Д.А. Қонаев атындағы балалар мен жасөспірімдер кітапханасы бірлесе өткізді.

Іс-шара облыс әкімі Ербол Қарашөкеевтің бастамасымен жүзеге асқан «Әулиеата – кітап оқитын өңір» акциясы аясында өтті.

Бульварда жеті шығармашылық аймақ жұмыс істеді. Онда Абайдың балалық шағынан көріністер қойылып, дәстүрлі емес кітап көрмелері, квест-ойындар мен жас суретшілердің көрмесі ұйымдастырылды. Сондай-ақ түрлі этнос өкілдері Абай шығармаларын өз тілдерінде оқып берді.

Шараға зиялы қауым өкілдері мен 200-ге жуық оқырман қатысып, ұлы ойшылдың рухани мұрасын дәріптеуге атсалысты.