2025 жылғы 19–30 қыркүйек аралығында Алматыда U8, U10, U12 санаттарында әлем чемпионаты өтуде. Жарысқа 88 елден 851 жас шахматшы (оның ішінде 231 қазақстандық) қатысуда.

Ұйымдастырушылар – ҚР Туризм және спорт министрлігі, Алматы әкімдігі, FIDE және KazChess. Ашылу рәсіміне Ермек Көшербаев, Дархан Сатыбалды, Аркадий Дворкович және Тимур Турлов қатысты.

Турнир 11 турдан тұрады, уақыт форматы – 90+30. Жарыс ұлдар (Open) мен қыздар (Girls) арасында O8, G8, O10, G10, O12 және G12 санаттарында өтеді.

25 қыркүйекте демалыс күні: қатысушылар Шымбұлаққа экскурсияға шығып, блиц-турнир мен шешім шығару чемпионатына қатысады.

27–28 қыркүйекте Satbayev University-де «Білім берудегі шахмат» атты халықаралық конференция өтеді.