56 жастағы ер адам 45 жастағы жұбайына қол көтеріп, ауыр жарақат салған. Әйел алған жарақатынан көз жұмса, ер адам артынша өз-өзіне қол жұмсаған.

Қайғылы жайтты ерлі-зайыптылардың балалары таңертең байқап, полицияға хабар берген. Оқиға орнынан ер адамның қылмыс себебін түсіндірген аудиожазбасы табылды.

Полиция департаментінің мәліметінше, аталған факті бойынша қылмыстық іс қозғалған.

Ерлі-зайыптылар шамамен 15 жыл отасқан, төрт бала тәрбиелеп отырған. Балалардың үлкені 13 жаста болса, кенжесі небәрі 4 жаста. Кенже бала мүгедектігіне байланысты мемлекеттен жәрдемақы алынып келген. Қазіргі таңда балалар мемлекеттік бейімдеу орталығына орналастырылды.

Көршілердің айтуынша, жанжал ұзақ уақыттан бері болып жүрген. Ал қайғылы жағдайдың балалардың көзінше орын алғаны белгілі болды.