Жыл сайын 13 шілдеде елімізде Қазақстан Республикасының Ұлттық қауіпсіздік органдары күні аталып өтеді. Бұл – егемендігімізді, ел ішіндегі тұрақтылықты және ұлттық мүддемізді қорғау жолында аянбай еңбек етіп жүрген қызметкерлердің кәсіби мерекесі.

Бүгінгі күрделі әрі құбылмалы геосаяси жағдайларда ұлттық қауіпсіздік құрылымдарының мінсіз қызметі, жоғары кәсіби жауапкершілігі және кез келген қауіп-қатерге жедел әрекет етуге әрдайым дайын болуы – халқымыздың бейбіт өміріне, ел ертеңіне деген сенімінің басты кепілі.

Бұл мереке – қауіпсіздік пен тыныштықты қамтамасыз ету жолында қалтқысыз қызмет етіп жүрген жандарға деген алғыс пен құрметтің көрінісі.