Синоптиктердің мәліметінше, алдағы тәуліктерде республиканың көптеген өңірлерінде жаңбыр жауып, найзағай ойнайды, кей жерлерде бұршақ түсуі мүмкін.
⠀
Атап айтқанда, елдің солтүстігінде, шығысында және оңтүстік-шығысында нөсерлі жаңбыр күтіледі. Ал батыс, оңтүстік-батыс және оңтүстік өңірлерде күн ашық, жауын-шашынсыз болады.
⠀
Желдің күшеюі бүкіл республика аумағында байқалады. Оңтүстікте – шаңды дауыл, солтүстікте – тұман күтіледі.
⠀
Төтенше жағдайлар қызметі қолайсыз ауа райында барынша сақ болуға, қажетсіз жағдайда алыс жолға шықпауға кеңес береді.