Семейде 2025 жылдың ақпанында 6-сынып оқушысын ұрып-соққан жасөспірімдердің ата-аналарына қатысты іс қаралды. Абай облысының кәмелетке толмағандар істері жөніндегі мамандандырылған соты ата-аналық құқықтарды айыру және шектеу бойынша үш істі қарады.

Сот отырыстары Семей әкімдігі жанындағы комиссияның талап арызы негізінде өтті. Алты жасөспірімнің ата-анасының үшеуі шешімге шағым түсірсе, қалған үшеуіне қатысты сот үкім шығарды:

• Бір қыздың анасы ата-аналық құқықтарынан айырылды;
• Екінші анаға қатысты талап жартылай қанағаттандырылды;
• Үшінші жасөспірімнің әкесіне ата-аналық құқығы сақталғанмен, шектелді.

Шешімге ата-аналардың ішімдікке салынуы, әкімшілік жазаларға ілігуі, полиция мен наркологиялық есепте тұруы және бала тәрбиесіне араласпауы себеп болды.

Сондай-ақ алимент пен мемлекеттік баж өндіру туралы шешім шықты. Қазір екі қыз мемлекеттік қорғаншылық органының қарауында.

Бұған дейін бұл оқиғаға байланысты оқушылар арнайы мектепке жіберіліп, мектеп директоры қызметінен босатылған болатын.