Үш күндік лагердің алғашқы күні  «Мамыр» саябағында таңғы жаттығумен басталып, балалар тамаша ойындар ойнап, табиғат аясында суреттер салумен бірге пик – ник жасалып, түскі ас ұсынылды. 

«Мүгедек жастар қоғамы» қоғамдық бірлестігінің төрайымы «Асар» оңалту орталығынан Даулетбаева Айгерім Мұратбекқызы зағип балаларға қуаныш сыйлау мақсатында мерекелік сыйлықтарын таратып, саябақта  ипотерапия (атқа, пониге) өткізді. Кітапхана тарапынан балмұздақ таратылып, тамаша көңіл-күйге бөленген балалар кітапхана ұжымына алғысын айтып үйді-үйіне тарқасты.