Бұл игі шараның мақсаты – балаларға қуаныш сыйлау, олардың бойындағы үміт отын жағу, сондай-ақ қоғамдағы әлеуметтік жауапкершілікті арттыру. Іс-шара барысында балалар үйінің тәрбиеленушілеріне түрлі сый-сияпаттар ұсынылып, мерекелік көңіл күй сыйланды.

Айта кетерлігі, тарту ретінде ұсынылған бұйымдардың бірқатары №58 мекемесіне қарасты өндіріс алаңында жасалған. Атап айтқанда, «Асима» және «Алан» жеке кәсіпкерліктерінде еңбек етіп жатқан сотталғандар өз қолдарымен жасаған тұрмыстық және көркемдік бұйымдарын балаларға тарту етті. Бұл – тек қолөнер емес, сонымен қатар түзелу жолына бет бұрған азаматтардың қоғамға пайдалы іс жасауға ұмтылысының көрінісі.

Мекеме басшылығы мен кәсіпкерлер тарапынан ұйымдастырылған бұл қайырымдылық шарасы балалар үйінің тәрбиеленушілері мен тәрбиешілеріне ерекше әсер қалдырды. Олар өз ризашылықтарын білдіріп, шын жүректен алғыстарын жеткізді.