21 мамыр – мәдениет пен өнер саласының қызметкерлері үшін ерекше күн. Бұл – ұлт руханиятының дамуына, мәдени мұрамыздың сақталып, ұрпақтан ұрпаққа жетуіне өлшеусіз үлес қосып жүрген жандарға арналған кәсіби мереке.

Мәдениет – ұлттың рухани тірегі, халықтың тарихи жадын жаңғыртып, болашағын нұрлы жолға бастайтын қуатты күш. Елдің әр түкпіріндегі мәдениет ошақтарында еңбек етіп жүрген мамандар – кітапханашылар, мұражай қызметкерлері, театр әртістері, режиссерлер, оркестр мүшелері мен шығармашылық ұжымдар ел өмірінің рухани тынысын қалыптастырып келеді. Олар – ұлт санасына сәуле құйып, қоғамның мәдени деңгейін көтеруге аянбай атсалысып жүрген шынайы еңбек майталмандары.