Іс-шараның басты мақсаты – сотталғандар арасында адамгершілік қасиеттерді қалыптастыру, моральдық-этикалық түсініктерді дамыту және салауатты өмір салтын насихаттау.

Спорттық шара аясында қол күрес, волейбол және шахмат сияқты жарыстар ұйымдастырылды. Сотталған азаматтардың белсенді қатысуы олардың дене дайындығын жетілдіріп қана қоймай, ұжым ішіндегі ынтымақтастықты нығайтты.

Іс-шара қорытындысы бойынша ерекше белсенділік танытқан сотталғандарды мекеме әкімшілігі тарапынан марапаттау, атап айтқанда мекеме бастығының атынан «Алғыс» жариялау мәселесі қарастырылуда.

Шара соңында жазасын өтеуші азаматтар домбыра мен гитара аспаптарының сүйемелдеуімен патриоттық әндер орындап, іс-шараның мазмұнды әрі жоғары деңгейде өтуіне өз үлестерін қосты.