«Бірер күн бұрын менің тапсырмаммен Республикалық ономастикалық комиссия елді мекендердегі 500-ден астам көшеге бұған дейін елеусіз қалған жергілікті қаһармандардың есімін беру туралы шешім қабылдады. Ең алдымен, жаңа және атауы қайталанатын көшелерге басымдық беріледі. Бұл шешім – Ұлы Жеңісті, оған қатысушыларды қаншалықты қадір тұтатынымызды көрсететін маңызды қадам», – деді Қасым-Жомарт Кемелұлы.

Сондай-ақ, алқалы жиында Президент Ұлы Жеңістің 80 жылдық мерейтойы кең көлемде атап өтілетінін жеткізіп, ол үшін «Ұлы Жеңіс: ерлікке тағзым, ұрпаққа үлгі» жоспары қабылданғанын атап өтті.