Жаңа жинақта жоңғар басқыншылығына қарсы азаттық күресте қол бастаған атақты қолбасшылардың бірі Қойгелді батырдың ерлігі, сондай-ақ ұлан-байтақ жерімізді жаудан қорғап қалған басқа да ұлы бабаларымыз, батырларымыз туралы баяндалады.

«Қолбасшы Қойгелді батыр» кітабы Үшкемпір Тастанбековтің «Қойгелді батыр» дастанын негізге ала отырып жазылған. Кітаптың тұсаукесерінде жаңа жинақты құрастырушы авторлар Қойгелді бабамыздың өмірінен тың ақпараттар айтты.

Жалпы тарихи тұлғалар жайлы еңбектердің жарық көруі, олардың кеңінен насихатталуы жастардың бойындағы патриоттық сезімді оятары анық.

Салтанатты іс-шараға қатысқан зиялы қауым өкілдері, батырдың ұрпақтары мен ұстаздар қолбасшы Қойгелді батырдың қазақ үшін орны бөлек тұлға екендігін, батырдың кіндік қаны Әулиеата топырағына тамғаны жайлы, сондай-ақ ерлік істері мен қайраткерлігі жайлы сөз өрбітті.

Серікболсын СЕРПЕН,

М.Х.Дулати атындағы Тараз

университетінің 4-курс студенті