Мемлекет басшысы ішкі өңірлік қатынастарды жақсарту үшін автожолдардың жергілікті желісін жөндеу мен қайта салу бағытындағы жұмыстарды ұйымдастыруға, қаржы бөлуге өңірлердегі барлық әкімдіктердің белсенді қатысуын талап еткен болатын. Бұл бағыттағы жұмысар облысымызда жоспарлы ұйымдастырылып, талапқа сай атқарылуда. 
Облыс әкімдігі құрылыс басқармасының басшысы Ерлан Орымбаевтың айтуынша, өткен жылы құрылыс басқармасы арқылы жобалық құны 255 миллиард теңге құрайтын 280 жобаны жүзеге асыру жоспарланса, бюджеттен 78,7 миллиард теңге бөлініп, бірқатар нысандардың құрылысы жүргізілген. Сөйтіп былтыр 124 нысанның құрылысы аяқталып, ел игілігіне пайдалануға берілген. Ал 119 нысанның құрылысы жоспарға сәйкес осы жылға өтпелі болған. 
Бұдан бөлек, 2019-2023 жылдар аралығында тапсырылуы тиіс, мерзімдерін кешіктірген 17 сақалды нысанның құрылыс жұмыстары да былтыр аяқталған. 

– Құрылыс саласында қарқын бар. Инженерлік инфрақұрылым жүйесіне де тиісті көңіл бөлініп келеді. Мәселен, бұл мақсатқа бюджет қаражаты есебінен 84 инженерлік инфрақұрылым жобаларының құрылысына 14,5 миллиард теңге қаралған. Атап айтсақ, тұрғын үй құрылысы үшін 9 жаңа алқапта 5,6 миллиард теңгеге 14 инфрақұрылым жобаның құрылысы жүргізілді. Бүгінгі күні 5 жоба аяқталса, қалған жобала осы жылға өтпелі. Бұдан бөлек, алты кеңейту жұмыстарына 3,7 миллиард теңге қаражат бөлінген. Құрылыс жұмыстары жалғасуда. Оның бірқатары биылғы жылға өтпелі нысандар қатарында. Ал республикалық маңызы бар индустриялық аймақты дамыту бойынша 10 жоба жоспарланып оның 4-ін Тараз, ал 6-ын Талас индустриалдық аймағында жүзеге асыру жоспарланған болатын. Осы бойынша инженерлік-коммуникациялық инфрақұрылымдар жүргізілуде, – дейді басқарма басшысы.

Былтыр құрылыс басқармасы 48 нысанның жобалау-сметалық құжаттамаларын әзірлеген. Оның ішінде жобалық құны 130 миллиард теңгені құрайтын 22 жобаның (46%) оң сараптама қорытындысы алынса, 26 жоба бойынша жобалау жалғасуда. Соңғы жобаның 9-ы сараптама қарауында, 17-і әзірленуде.

«Басқармадан өтетін барлық жобалар міндетті түрде Сәулеттік бюроға жолданады. Барлығы 28 жоба ұсынылып, 19-на келісім алынды, сегізі қарауында, біреуі кері қайтарылды. 2025 жылға 5 жаңа жобаны әзірлеуге қаржы бөлінген. Биыл құрылыс басқармасы арқылы жобалық құны 198,2 миллиард теңге құрайтын 176 жобаға бюджеттен 53,2 миллиард теңге бөлініп, іске асырылуда. Оның 156-ы осы жылы тапсырылуы тиіс болса, 20-ы алдағы жылға өтпелі. Аталған жобалардың 59 нысаны «Қуатты өңірлер – ел дамуының драйвері», 79-ы «Өңірлерді дамыту», 29-ы «Ауыл – ел бесігі», 4-і «Жайлы мектеп» және 5-і білім инфрақұрылымын қолдау қоры есебінен қаржыландырылды. Құрылыс басқармасы тапсырысшы болып табылатын жобалық құны 77,1 миллиард теңге құрайтын 42 жобаға бюджеттен 24,6 миллиард теңге бөлініп, құрылысы жүргізіледі. Оның 34-і биыл тапсырылуы тиіс, 8-і келесі жылға өтпелі. Жалпы біз алдағы уақытта да Мемлекет басшысы Қасым-Жомарт Тоқаевтың Жолдауынан туындаған міндеттерді басшылыққа ала отырып жұмыс істейтін боламыз. Ал жоғарыда айтқан жұмыстар мен алдағы уақытта атқарылатын жобалардың барлығы да ел үшін атқарылатын болады, оның игілігін ел көреді», - дейді басқарма басшысы Ерлан Орымбаев.

 Марат ҚҰЛИБАЕВ