Мал ұрлығына қарсы күрес Қазақстан Республикасының Ішкі істер министрлігінің басты міндеттерінің бірі. Құзырлы органдар осы қылмыстардың алдын алу, ашу және жолын кесу мақсатында кешенді шаралар қабылдауда. Соның нәтижесінде соңғы бес жылда елімізде мал ұрлығы 37%-ға азайды. 2025 жылдың алғашқы екі айында бұл қылмыс түрі 47,2%-ға төмендеп, 2024 жылдың ұқсас кезеңімен салыстырғанда мал ұрлығының 217 фактісінен 152-ге дейін азайған.

Қазіргі уақытта республика бойынша "Мал ұрысы" жедел-профилактикалық іс-шарасы өткізіліп жатыр. Семей қаласынан 17 шақырым жерде құжатсыз және ветеринариялық бақылаусыз ет өнімдерін қайта өңдеу мен сатуды жүзеге асырған заңсыз цех анықталды.

Онда 350 бас ірі қара, ет өнімдері мен арнайы жабдықтар, сондай-ақ 96 дана құлақ жапсырмалары тәркіленді. Шымкентте де осындай тағы бір заңсыз цех табылып, 30-дан астам ірі қара мен 40 жылқы алынды. Жетісу облысында еркін жайылымнан бес сиырды ұрлап әкеткен азамат ұсталды.

Барлық фактілер бойынша тергеу жүргізілуде. Ведомство бұл бағыттағы жұмысты жалғастыратынын атап өтті.