22 наурыз – қазақ халқының ұлттық мейрамы, сол арқылы біздің ұлттық бірегейлігіміз бен дәстүрлерімізді сақтау мен дамытуға бағытталған ерекше мереке. 

Жыл басын мерекелеу тек тұрмыс тіршіліктің жаңаруы ғана емес, сонымен бірге халқымыздың бірлігін, достығын нығайту, туған жерді қадірлеу және табиғатқа деген құрметті көрсету ретінде де маңызды.

Мемлекет басшысының тапсырмасы бойынша елімізде 14 наурыздан бастап "Наурызнама" онкүндігі өз жұмысын бастады. Мерекенің жаңаша форматы бізге қазақ мәдениетінің байлығы мен халқының алуан түрлілігін тереңірек ұғынуға, дәстүр-салтымызды жаңғыртып, жаңаша қырынан танытуға мүмкіндік береді.

Күн мен түн теңеліп, Жер-Ана қайта түлеп, тіршілік атаулы түгел жанданатын, жаңару мен жаңғырудың мезгіліне айналған Ұлыстың Ұлы күні – Наурыз мерекесі құтты болсын!