Тарихи тамыры тереңге бойлаған Әз-Наурыз – ежелден халқымыздың еңсесін тіктеп, бірлігін бекемдейтін, ырыс пен ынтымақтың, жақсылық пен жаңарудың жаршысы болған ұлық мереке. Табиғат жаңарып, тіршілік жанданатын осы ерекше мейрам – өткенге тағзым етіп, болашаққа бағдар жасайтын, елдік пен егемендікті дәріптейтін күн.
Баршаңызды Ұлыстың Ұлы күні – Наурыз мерекесімен шын жүректен құттықтаймын! Бұл мереке – баршаға қуаныш, жаңа бастамаларға серпін сыйлайтын, жақсылыққа бастайтын күн. Ұлыс күні жақсылықтың жаршысы болып, әрбір шаңыраққа құт-береке, молшылық пен шаттық әкелсін.
Кең байтақ қазақ елі аман, ынтымағымыз бекем, татулығымыз тұғырлы болсын. Ата-бабамыздан мирас болған салт-дәстүрлеріміз жаңғырып, ырысымыз арта бергей. Әрбір бастаған істеріңіз береке, дендеріңізге саулық, көңілдеріңізге шаттық, жүректеріңізге мейірім мен қуаныш тілеймін.
Көктемнің шуағындай жылылық пен мейірім әр жүрекке ұяласын, ақ ниетпен айтылған әрбір тілегіміз орындалсын. Елдің ырысы артып, берекесі таси берсін!
Наурыз құтты болсын!
Дүйсенәлі БЫҚЫБАЕВ,
«Қазақстандық салалық мәдениет,
спорт, туризм және ақпарат
қызметкерлерінің кәсіптік одағы»
облыстық филиалының төрағасы
Алдыңғы мақала
Келесі мақала
Сағыныш пен салт-дәстүр сабақтастығы
Ұқсас жаңалықтар
