Анастасия Городко Алматыда фристайл-могулдан өтіп жатқан жасөспірімдер арасындағы әлем чемпионатында алтын медаль жеңіп алды,деп хабарлайды arainfo.kz.
Анастасия Городко параллель могул жарысында топ жарды. Спортшы финалда америкалық Риз Чапделайннан басым түсіп, алтын медальға ие болды. Қола жүлде АҚШ өкілі Эбби Макларнонға бұйырды.
Ал 7 қаңтарда Анастасия жекелей могул сында күміс жүлде жеңіп алды. Финалдық сында 70.79 ұпай жинаған ол, жапониялық Юма Тагучиден кейін екінші орынға тұрақтады. Қола медальді тағы бір Жапония өкілі Мисе Курэа иеленді.
Анастасияның еншісінде жасөспірімдер арасындағы әлем чемпионаттарында үш алтын медаль бар. 2022 жылғы әлем чемпионатында ол параллель могул жарысында жеңіске жетіп, жекелей сында және аралас командалық сайыста күміс медаль еншіледі. Сонымен қатар, 2024 жылғы әлем чемпионатында Анастасия могул жарысында алтын медаль жеңіп, параллель могул жарысында екінші орын алды.
Келесі мақала
Елімізде бірнеше курорттық аймақта жаңа әуежай салынады
Ұқсас жаңалықтар
