Polisia.kz-тің мәліметінше, Атырау облысы полиция департаментінің қызметкері Аида Хайруллина Индонезияның астанасы Джакарта қаласында өткен ересектер арасындағы Gamma World MMA Championship 2024 чемпионатында үш кездесуін де сәтті аяқтады.

Турнир барысында Аида Камбоджа және Австралия спортшыларымен күш сынасып, финалда Египет елінің спортшысын айқын басымдықпен жеңді.

Бұл алтын медаль – тек менің ғана емес, бүкіл Қазақстанның жеңісі. Алдағы уақытта да елімнің абыройын қорғауға бар күш-жігерімді саламын, – деді Аида Хайруллина.