Қарымды қалам иесінің тек журналистика ғана емес, мәдениет саласына да сіңірген еңбегі бар. Оның өлең әлеміндегі, айтыстағы орны бір төбе. Соңғы жылдары Есет Жаңабайұлы қазақтың айтыс өнеріне бейім балаларды тәрбиелеуде ұстаз ретінде жақсы қырынан да танылып жүр. Айтыстың ұлы аламанына Әсет Дүйсебаев, Мейіржан Жекебаев, Дидар Аппасов секілді аты мәлім жыр дүлдүлдерін баптап қосқанын айтпай кетуге болмас. Бірер жыл бұрын әріптесіміздің жас шәкіртінің бірі Алина Айдаралы «Жамбыл – менің жай атым, халық – менің шын атым!» атты республикалық ақындар айтысында бас жүлдеге ие болса, жақында ғана шәкірті әрі қызы Інжу Жаңабай Алматы облысының Ұзынағаш ауылында өткен республикалық «Жыр алыбы – Жамбылым!» атты ақындар айтысында бас жүлдеге ие болды. Сондай-ақ Есет Жаңабайұлының тағы бір дарынды шәкірті Әсемай Сейдакбарованың жуырда ғана Астана қаласында өткен республикалық «Ақберен» өнер байқауында жеңімпаз атанғаны бар. Бұл – әріптесіміздің шәкірт тәрбиелеудегі артықшылығын көрсетеді.

Жақында Есет Жаңабайұлы мәдениет пен өнерді дамытуға қосқан үлесі үшін «Мәдениет саласының үздігі» төсбелгісіне ие болды. Бұл атақ екінің біріне беріле бермесі анық. Ақпарат саласында жүріп «Мәденет саласының үздігі» атану әрбір журналиске бұйыра бермейтін бақ. Мұны Есетке аталған салада еткен еңбегі үшін берілген лайықты баға деп білеміз.

«AR-AI»-ақпарат