Жергілікті ақын-жазушылардың шығармашылығын насихаттау, жастарға патриоттық тәрбие беру мақсатында ұйымдастырылған кездесуде оқушылар қонақтарға сұрақтарын қойып, пікір алмасып, өнерлерін ортаға салды.

Кеш шымылдығын мектеп оқушылары күмбірлеген күймен ашып, мәнерлеп өлең оқып, көпшіліктің ризашылығына бөленді. Өз кезегінде ақын Мақсат Бегілдаев қойылған сұрақтарға ақын-жазушылардың сөздері мен өлең жолдары арқылы жауап беріп, оқушыларға ой саларлық тағылымды әңгімелер айтты.

Ал жас айтыскер Мұқағали Балтабаев Құмжота ауылының көркі мен келбетін, табиғаты мен тыныс-тіршілігін өлең жолдарымен өрнектеді. Сондай-ақ 10-сынып оқушысы, жас ақын Аружан Әлімбаева жүрекжарды арнауын оқыды.

Кеш соңында оқушылар қонақтармен естелік суретке түсті.

Жадыра ТҰРҒАНБЕКҚЫЗЫ,

Ыбырай Алтынсарин

атындағы орта мектептің қазақ тілі

мен әдебиеті пәнінің мұғалімі,

Байзақ ауданы, Құмжота ауылы