Өзіміз де күн сайын көріп-біліп жүргеніміздей, электр энергиясына сұраныс артып келеді. Сарапшы-мамандардың айтуынша, ол 2030 жылға қарай 136 млрд кВт/сағ, ал, 2050 жылы 172 млрд кВт/сағ-қа дейін өсетін көрінеді. Сол себепті, сұранысты қанағаттандыру мен тозған электр стансаларының жұмысын тоқтатып, қайта жаңғырту кезек күттірмейтін мәселе болып отыр. Болжам бойынша 2030 жылға қарай 11-12 ГВт тоқ тарата алатын жаңа қондырғылар қажет болса, ал 2050 жылға қарай 32-36 ГВт тоқ тарататын жаңа қондырғылар керек.
Бәрінен бұрын, елімізде АЭС-тың салынуы бізді өзге мемлекеттердің энергия көзінен тәуелділіктен арылтады. Яғни, ешкімге жалтақтамай, электр энергиясының қуатын өзіміз өндіреміз. Екіншіден, АЭС салынған кезде оның құрылысына қарапайым тас қалаушыдан бастап қазақстандық мамандар тартылады.
Рас, атом электр станциясына 10 мыңға тарта адам еңбекпен қамтылады. Олардың әрбірі отбасымен келсе, бұл аумаққа отыз мыңға тарта жан келеді. Демек, инфрақұрылым салынады, шағын және орта бизнес те кәсібін дамытады. Сондай-ақ, біздің өнімдеріміз әлемдік нарықта бәсекеге қабілетті болу үшін атом электр станциясынан алынған энергия көзі арқылы жасалған болуы тиіс.
Өйткені, мұндай тауарлардың бағасы да қолжетімді болады.
Талап ӘБДІБЕКОВ,
«Amanat» партиясы Жамбыл аудандық филиалының төрағасы.
Алдыңғы мақала
Келесі мақала
Атом реакторлары – әртүрлі сала үшін қажеттілік
Ұқсас жаңалықтар
