Бүгін мемлекет басшысы Қасым-Жомарт Тоқаев Қазақстан халқына жолдауын жариялайды.

Бұл туралы Ақорданың баспасөз қызметі хабарлады.

Президент жолдауы сағат 11.00-де барлық республикалық телеарнадан тікелей эфирде көрсетіледі.

Жиынға Сенат пен Мәжіліс депутаттары, орталық мемлекеттік органдардың басшылары, Ұлттық құрылтай, Адам құқықтары жөніндегі комиссия, Әйелдер істері және отбасылық-демографиялық саясат жөніндегі ұлттық комиссия мүшелері, қоғам өкілдері және еңбек ұжымдары қатысады.

Президент Жолдауында еліміздің саяси және әлеуметтік-экономикалық даму перспективаларына қатысты мәселелер қамтылады.