ҚР Әділет министрлігі зияткерлік меншік құқықтарын қорғау және сақтауға қолайлы жағдай жасау, контрафактілік өнімдерді таратуға қарсы күресті насихаттау және танымал ету, сондай-ақ контрафактілік өнімдерді тарату проблемасы туралы халықтың хабардар болу деңгейін арттыру мақсатында «Антиконтрафакт» республикалық акциясын өткізуді жоспарлауда. Аталған акция шеңберінде, 2024 жылдың 1-15 сәуірі аралағында «Ортақ болашақ үшін инновация және шығармашылық» тақырыбындағы ақпараттық ресурстар арасында үздік ақпараттық материал байқауы ұйымдастырылады. Өтінімдерді қабылдау Әділет министрлігімен жүзеге асырылады. Жұмысқа қойылатын талаптар: - Қатысушы @adiletgovkz парақшасының жазылушысы (подписчик) болуы керек. - Instagram желісінде #АкцияАнтиконтрафакт2024@adiletgovkz жазба қалдыру керек. - Қатысушылар конкурстық жұмыстарын b.satzhanova@adilet.gov.kz электрондық поштасына жібереді. - Байқауға қатысуға өтінім мен материал 15 сәуірден кешіктірілмей ұсынылуы қажет; - Жұмыс көлемі 3 беттен аспауы керек. - Әрбір қатысушы конкурсқа 1-ден артық емес жұмыс ұсына алады. Байқау жеңімпаздары а.ж. 26 сәуірінде ҚР Әділет министрлігімен жарияланатын болады. Конкурс бойынша толығырақ ақпаратпен (конкурс ережелері) https://www.gov.kz/memleket/entities/adilet-zhmb/documents/details/636384?lang=kk сілтемесін басу арқылы таныса аласыз (Жамбыл облысы Әділет департаментінің сайты). Барлық сұрақтар бойынша 8/7262/43-12-20, 8/701/ 737 91 71, 8/702/ 788 22 88 нөмеріне жүгінуге болады.