Таразда алғаш рет Көне Тараз этно-мәдени кешенінде «Кazagrozhambyl-2024» халықаралық ауылшаруашылығы көрмесі өтіп жатыр. Жалпы форум-көрмеге 12 мемлекеттен 50-ден астам компания келеді деп жоспарланған. Халықаралық және отандық сарапшылар мен мамандар басқосатын форумда ауыл шаруашылығы саласындағы соңғы жаңашылдықтар мен инновацияларды талқыланбақ. Бұдан бөлек, тұқым шаруашылығын дамыту, ауыл шаруашылығы техникасын жаңарту, жылыжай бизнесі және ауыл шаруашылығы өнімдерін қайта өңдеу мәселелері қозғалады дейді мамандар.